Kryetari i Partisë Demokratike të Kosovës (PDK), Memli Krasniqi ka reaguar pas rezultateve të Kosovës në testin PISA.

Krasniqi tha se qëllimi i kësaj Qeveria nuk ka qenë asnjëherë reforma mësimore.

Sipas tij sot u konfirmua rënia e thellë e rezultateve të nxënësve të Kosovës në testin e PISA-s në lexim, matematikë dhe shkencë.

Ai shton se në secilën fushë ka rënie drastike të pikëve, krahasuar me vitin 2014 dhe vitin 2018, kur është mbajtur për herë të fundit testi PISA.

Postimi i tij i plotë:

Analfabetizmi qeveritar po prek shkollat tona – në testin PISA, Kosova më keq se më 2014 e 2018.

Sot u konfirmua rënia e thellë e rezultateve të nxënësve të Kosovës në testin e PISA-s në lexim, matematikë dhe shkencë. Kosova renditet, praktikisht, në fund të tabelës së 80 shteteve pjesëmarrëse. E dhembshme! E tmerrshme!

Në secilën fushë ka rënie drastike të pikëve, krahasuar me vitin 2014 dhe vitin 2018, kur është mbajtur për herë të fundit testi PISA.

Ne e kemi ditur, por tashmë edhe po dëshmohet, se qëllimi i kësaj Qeverie nuk ka qenë asnjëherë reforma arsimore e as përmirësimi i jetesës së qytetarëve tanë.

Analfabetizimi qeveritar, fatkeqësisht, tashmë po shkatërron edhe shkollat tona!/Arbresh.info/

LEXO EDHE:

Testi PISA – Kosova renditet e 77-ta për shkencë, Nagavci i quan rezultate të pritshme